silabador de le paròle vènete

Koretori ortogràfegi par Firefox e LibreOffice

maurotrevixan Gramàdega, Ròbe útili , , , , , , , , ,

I xe venhùi fora i koretori ortogràfegi pal vèneto drio la mé skritura!!

Li podé katar kuà par i prodoti Mozilla (Firefox, Thunderbird, …): kolegamento

E kuà par LibreOffice (ankora da aprovar): kolegamento

 

Savème dir!

Sani

Asenti

maurotrevixan Gramàdega, Vèneto , , , , , , ,

Se dixe asento (fònego) l’ elevathion de la voxe inté la pronunthia de na sílaba (asentàa).

 

Ma asento (gràfego) ‘l é anka el seño ke se pol méter so na vokal de na sílaba asentàa par señarge kome ke na vokal la à da lèdherse, o sora de i monosílabi par destregarli da altri skriti inté la medèxima maniera.

‘L asento gràfego, ke par sòlito el xe agudo e ‘l kaska so la penúltima sílaba, o l’ última se la é saràa, el seña ‘l asento tònego:

  • de le parole thonke ke le fenise par vokal (ingropà, vintitrè, unkuò, piè, fià).
  • de le parole piane ke le fenise par konsonante, e in partikolar intéi verbi rixotònegi (méter, kúxer).
  • de le parole indove ke ‘l kaska vanti de la penúltima (làgrema, mónega).
  • par le parole ke le à do o pi sílabe, sora de la prima vokal de on ditongo o de on jato (gavèu, bevúo).
  • in dheneral el seríe da doparar par tute le parole indove ke ‘l asento gràfego el seña na e o na o verta, anka par far lèdher in maniera exata la parola intra difarenti varianti (skarpèr, vecòt, peòco, logo/lògo).
  • sora de le forme de ‘l end. prex. de ‘l v. aver (à, è, ò) e èser (sí, sé, é), in forma débole.

Règole de silabathion

maurotrevixan Gramàdega, Vèneto , , , , , ,

Ankoi veden le règole par la silabathion (pi vanti ‘ndaren véder kuele par ‘l asentathion).

Le forma na sílaba únega:

  • na konsonante vanti de na vokal, o drio se l’ é l’ última (ka-xa, ju-tar).
  • i ditongi ko la konsonante ke ge n’ é vanti, se la ge n’ é (pàu-xa).
  • la vokal ke la forma jato (po-è-ta, pa-u-ra).
  • dó konsonanti, ko la prima no okluxiva e no kostritiva e la sekonda vibrante o lateral, o anka intrame dóe okluxive, le fà parte de dó sílabe difarenti se vanti de la prima ge n’ é na vokal (èr-ba, sal-tar, bas-tan-ŧa, lon-tan, sor-pre-xa, dex-men-te-gà, la s-ta-bia, fin-lan-dia, ab-de-gar, sub-tro-pe-gal), altrimenti le é takàe (pia-ŧa, des-tri-kar, stra-ko, gron-da, in-gle-xe, scan-ti-xo, sfe-xa, sta-bia, xba-ro, xbri-gar, stran-bo).

GLVV 20120624

maurotrevixan Gramàdega, Ròbe útili , , , , , , , , , , ,

Gramatega de lengua veneta pa’ i Veneti 20120624 — Libro in véndita!
In sto adhornamento:

– novo koniugador (3.1.4349)
– metesto fora el silabador (1.0)
– metesto fora el konvertidor (1.0a)